9

 വാഷിംഗ്ടൺ ഡിസി: പ്രോസ്റ്റേറ്റ് കാൻസർ ബാധിതനായ മുൻ അമേരിക്കൻ പ്രസിഡന്‍റ് ജോ ബൈഡന്‍റെ നില ഗുരുതരമെന്ന് മകൻ ഹണ്ടർ ബൈഡൻ വെളിപ്പെടുത്തി. രോഗം അസ്ഥികൾക്കും അപ്പുറത്തേക്കു പടർന്നതായി ബിബിസിക്കു നല്കിയ അഭിമുഖത്തിൽ ഹണ്ടർ പറഞ്ഞു. കടുത്ത വേദനയിലൂടെയാണ് പിതാവ് കടന്നുപോകുന്നത്.
കഴിഞ്ഞ വർഷം മേയിലാണ് ജോ ബൈഡൻ കാൻസർ ബാധിച്ചതായി വെളിപ്പെടുത്തിയത്. അതിവേഗം വ്യാപിക്കുന്ന തരം കാൻസറാണ് തനിക്കുള്ളതെന്നും അദ്ദേഹം പറഞ്ഞിരുന്നു. റേഡിയേഷൻ, ഹോർമോൺ ചികിത്സകളാണ് നടത്തുന്നതെന്ന് ബൈഡന്‍റെ വക്താവ് പിന്നീട് അറിയിക്കുകയുണ്ടായി.
ജോ ബൈഡന് ഇപ്പോൾ 83 വയസുണ്ട്. 2021-25 കാലത്താണ് ബൈഡൻ പ്രസിഡന്‍റായിരുന്നു. ആ സമയത്ത് അധികാരത്തിലേറുന്ന ഏറ്റവും പ്രായമുള്ള അമേരിക്കൻ പ്രസിഡന്‍റായിരുന്നു. ഭരണകാലത്തും തുടർന്നുള്ള തെരഞ്ഞെടുപ്പിലും അദ്ദേഹത്തിന്‍റെ ആരോഗ്യം പ്രധാന ചർച്ചാവിഷയമായിരുന്നു.